مرة كنت خارجة انا وواحد صحبى وبعدين وانا مروح لقيت نفسى اكل خوخ اوى فشفت فكهانى عنده خوخ وشكله حلو اوى وحاطط عليه يافطة بالسعر فبسأله "لو سمحت الكيلو بكام؟" قالى "بإتنين جنيه الا ربع .." رحت انا اتنزفزت اوى وقلتله بزعيق "اومال كاتب عليه 175 قرش ليه؟" فالراجل بصلى واندهش اوى وصحبى راح قرصنى فى دراعى وبعدين انا فوقت ولقيت ان هئ هئ السعر اتحرجت
اوى بس مشيت ميت من الضحك على نفسى انا وصحبى
************************************************** *****************************
مرة وانا صغير كان بابا عازم مدير المصلحة اللى بيشتغل فيها على الغدا عندنا وللاسف المية قطعت فى اليوم ده فلما أكلو اضطرينا عشان يغسلوا ايديهم اننا نبلهم بأى حاجة فبابا قالى تعالاانتة وصب للناس تغسل ايديها فجه ساعتها المدير اللى هيبدأ ويغسل ايديه وبعدين وانا بصبله كده لقيته راح مطلع حاجة من بقه لقيتها طقم سنان طبعا انا مكنتش اعرف رحت اول ما شفته خلعه وطلع فى ايديه صرخت ورميت الكوز فى وش الراجل وجريت اقول " الحق يابابا الراجل خلع سنانة مرة واحدة الراجل سنانة وقعت الحق يابابا " واعيط ومرعوب طبعا بابا مات على نفسه من الضحك وكلهم ضحكو عليا بس انا كنت مرعوب موت واقتنعت بالعافية ان ده حاجة بتتركب فى البق عشان يعرف ياكل بيها ولسة فاكرها ليا لغاية دلوقت الراجل ده وكل ما يكلمنى يفكرنى بيها
************************************************** *****************************
في المدرسة كنا شاطرين اوى و بنسهر طول الليل نذاكر ففي واحد صحبى كان تخصص نوم أثناء الحصص، ففمرة خليتة نايم و كنت قاعد جنبه و قلتله "قوم بسرعة الاجابة 7 قول يالا." ياعينى قام مخضوض و بعلو صوته و قال "سبعة"و كنا في حصة انجليزى و .. اضرب بعدها حتة علقة سخنة
************************************************** ****************************
كنت انا واصحابى خارجين من المدرسة .. ولقينا عربية صغيرة اوى واقفة فى الشارع.. بس كانت واقفة غلط ومعطلة الشارع..فاقترحنا اننا نشيل العربية ونحطها على جمب عشان كنا كتير... المهم قررنا خلاص اننا هنشيلها .. وخلاص شلناها بس سمعنا صوت من العربية بيزعق وبيشتم .. اتارية كان نايم فى العربية .. وافتكر اننا بنسرق العربية المشكلة بقى اننا مكناش عارفين ننزل العربية تانى
ايييييييية رايكو بقا
الجمعة فبراير 22, 2008 3:50 pm